افغانستان میں شدت پسند گروپوں کے لیے مبینہ محفوظ پناہ گاہیں موجود ہیں: افغانی اخبار

کابل( مانیٹرنگ ڈیسک) افغان اخبار ہشت صبح نے اپنی رپورٹ میں دعویٰ کیا ہے کہ افغانستان میں بعض شدت پسند تنظیموں کو مبینہ طور پر محفوظ پناہ گاہیں فراہم کی جا رہی ہیں۔رپورٹ کے مطابق صوبہ غزنی میں چند رہائشی کمپلیکس تعمیر کیے گئے ہیں جو مخصوص گروہوں کے لیے مختص ہیں۔ ان مقامات پر مذہبی مدارس اور سیکیورٹی انتظامات بھی قائم کیے گئے ہیں۔اخبار کا کہنا ہے کہ اقوام متحدہ کی مختلف رپورٹس میں بھی افغانستان میں سرگرم بعض تنظیموں کی موجودگی اور روابط کے حوالے سے خدشات ظاہر کیے گئے ہیں، جس سے ملکی اور علاقائی سلامتی کے مسائل مزید بڑھ سکتے ہیں۔