( مانیٹرنگ ڈیسک)جرمن دارالحکومت برلن میں جاری برلن انٹرنیشنل فلم فیسٹیول سے معروف بھارتی مصنفہ اروندھتی رائے نے علیحدگی اختیار کر لی ہے۔اروندھتی رائے نے یہ فیصلہ جیوری کے صدر وم وینڈرز کے بیان کے بعد کیا، جس میں کہا گیا کہ “سینما کو سیاست سے دور رہنا چاہیے”۔ رپورٹس کے مطابق ایک پریس کانفرنس میں جب غزہ کی صورتحال اور جرمنی کی اسرائیل حمایت کے بارے میں سوال کیا گیا تو وینڈرز نے کہا کہ فلم سازوں کو سیاست کے میدان میں داخل نہیں ہونا چاہیے اور وہ سیاست کے مقابل متوازن قوت ہیں۔جیوری کی ایک اور رکن ایوا پوشزنسکا نے بھی کہا کہ جیوری سے اس معاملے پر براہِ راست مؤقف کی توقع کرنا مناسب نہیں۔
