آرینا سبالینکا نے کوکو گوف کو شکست دے کر مسلسل دوسری بار میامی اوپن جیت لیا

دبئی( سپورٹس ڈیسک)عالمی نمبر ایک ٹینس اسٹار آرینا سبالینکا نے شاندار کھیل کا مظاہرہ کرتے ہوئے کوکو گوف کو شکست دے کر مسلسل دوسری بار میامی اوپن ٹائٹل اپنے نام کرلیا۔میامی میں کھیلے گئے ویمنز سنگلز فائنل میں سبالینکا نے کوکو گوف کو سنسنی خیز مقابلے کے بعد 6-2، 4-6 اور 6-3 سے شکست دی۔ میچ کے آغاز میں بیلاروس کھلاڑی نے پہلا سیٹ آسانی سے جیت لیا، تاہم امریکی اسٹار نے دوسرے سیٹ میں زبردست واپسی کی۔ فیصلہ کن تیسرے سیٹ میں سبالینکا نے دوبارہ کنٹرول حاصل کرتے ہوئے فتح سمیٹ لی۔اس کامیابی کے ساتھ سبالینکا نے نہ صرف اپنا ٹائٹل برقرار رکھا بلکہ “سن شائن ڈبل” کا اعزاز بھی حاصل کیا، جس میں ایک ہی سیزن میں انڈین ویلز اوپن اور میامی اوپن جیتنا شامل ہے۔ یہ کارنامہ انہیں تاریخ کی چند منتخب کھلاڑیوں میں شامل کر دیتا ہے۔دوسری جانب کوکو گوف نے شاندار مقابلہ پیش کیا مگر وہ اپنے ہوم گراؤنڈ پر ٹائٹل جیتنے میں کامیاب نہ ہو سکیں۔