لاہور( سپورٹس ڈیسک) ملتان سلطانز نے آسٹریلوی آل راؤنڈر ایشٹن ٹرنر کو ٹیم کا نیا کپتان مقرر کر دیا ہے۔ملتان سلطانز کے سی ای او گوہر کے مطابق پاکستان سپر لیگ کے آئندہ سیزن کے لیے ٹیم کی قیادت ایشٹن ٹرنر کے سپرد کی گئی ہے اور وہ ٹیم کو کامیابی کی راہ پر گامزن کریں گے۔گوہر نے بتایا کہ ایشٹن ٹرنر کی قیادت میں ملتان سلطانز نئے سیزن کی تیاریوں میں مصروف ہے اور ٹیم کے ہدف کامیابی حاصل کرنا ہے۔اس موقع پر ایشٹن ٹرنر نے کہا کہ ملتان سلطانز کی قیادت کرنا میرے لیے اعزاز کی بات ہے اور وہ ملتان کے پرجوش شائقین کے لیے بہترین سیزن دینے کی بھرپور کوشش کریں گے۔
