ایشین جونیئر اسکواش چیمپئن شپ 2026: پاکستان کے نعمان علی خان نے ٹائٹل اپنے نام کر لیا

لاہور ( سپورٹس ڈیسک)چین میں جاری 33ویں ایشین جونیئر انڈیویجول اسکواش چیمپئن شپ 2026 میں پاکستان نے شاندار کامیابی حاصل کرتے ہوئے ٹائٹل اپنے نام کر لیا ہے۔پاکستان کے کھلاڑی نعمان علی خان نے فائنل میں روایتی حریف بھارت کے شیون اگروال کو 1-3 سے شکست دے کر چیمپئن شپ جیت لی۔فائنل مقابلے میں پاکستانی کھلاڑی نے بہترین کھیل کا مظاہرہ کرتے ہوئے گزشتہ شکست کا بدلہ بھی چکا دیا، کیونکہ پچھلی ایشین چیمپئن شپ میں اسی بھارتی حریف نے انہیں شکست دی تھی۔مقابلے کے دوران نعمان علی خان نے ابتدائی سیٹ سے ہی برتری برقرار رکھی اور فیصلہ کن لمحات میں شاندار حکمتِ عملی کے ذریعے میچ اپنے حق میں کیا۔پاکستان کی اس کامیابی کو ایشین جونیئر اسکواش سرکٹ میں اہم پیش رفت قرار دیا جا رہا ہے، جس سے ملک کے نوجوان کھلاڑیوں کے مستقبل کے لیے بھی مثبت اشارے ملے ہیں۔