آسٹریلیا ( سپورٹس ڈیسک)آسٹریلیا نے بنگلادیش کے خلاف دوسرے ٹیسٹ کے لیے جیک ویدرالڈ کو اسکواڈ سے باہر کرتے ہوئے میٹ رینشا کو شامل کرلیا ہے۔ڈارون میں پہلے ٹیسٹ میں بھاری شکست کے بعد آسٹریلوی ٹیم میں یہ واحد تبدیلی کی گئی ہے، جبکہ 13 رکنی اسکواڈ برقرار رکھا گیا ہے۔جیک ویدرالڈ پہلے ٹیسٹ کی دونوں اننگز میں خاطر خواہ کارکردگی نہ دکھا سکے اور بالترتیب 23 اور صفر رنز بنائے۔ وہ اب تک 6 ٹیسٹ میچز میں 20.36 کی اوسط سے صرف 224 رنز بناسکے ہیں۔پہلی اننگز میں وہ حسن محمود کی گیند پر ڈرائیو کھیلتے ہوئے کیچ ہوئے، جبکہ دوسری اننگز میں بھی حسن محمود ہی کی گیند پر بولڈ ہوگئے۔دوسری جانب میٹ رینشا 2023 کے بعد پہلی مرتبہ ٹیسٹ کرکٹ میں واپسی کے قریب ہیں۔ انہوں نے گزشتہ سیزن کے شیفیلڈ شیلڈ ٹورنامنٹ میں 49.90 کی اوسط سے رنز بنائے اور 3 سنچریاں بھی اسکور کیں۔
