کو ئٹہ( سپورٹس ڈیسک)پاکستان کی نامور کھلاڑی عائشہ بلوچ نے ایشین گیمز 2026 کے کشتی کے فائنل میں بھارتی حریف کو شکست دے کر طلائی تمغہ اپنے نام کر لیا۔سری لنکا میں جاری ایونٹ کے دوران عائشہ بلوچ نے شاندار داؤ پیچ، اعلیٰ تکنیک اور غیر معمولی اعتماد کا مظاہرہ کرتے ہوئے پورے ٹورنامنٹ میں اپنی برتری قائم رکھی اور ایشیائی حریف ان کا مقابلہ نہ کر سکے۔فائنل مقابلے میں بھی عائشہ بلوچ کی تکنیکی برتری واضح رہی، جبکہ بھارتی ریسلر ان کے مؤثر کھیل کا توڑ نہ کر سکی۔فیصلہ کن کامیابی کے بعد عائشہ بلوچ نے سجدۂ شکر ادا کیا اور وکٹری پوڈیم پر پاکستان کا سبز ہلالی پرچم لہرا کر قوم کا سر فخر سے بلند کر دیا۔ان کی شاندار کامیابی پر ملک بھر میں جشن کا سماں ہے، سوشل میڈیا پر ویڈیوز اور تصاویر وائرل ہو رہی ہیں اور عوام کی جانب سے انہیں بھرپور پذیرائی مل رہی ہے۔عائشہ بلوچ کی یہ کامیابی بلوچستان سمیت پورے ملک کی نوجوان لڑکیوں کے لیے حوصلے اور امید کا روشن پیغام قرار دی جا رہی ہے۔
