کوئٹہ( کامرس ڈیسک) بلوچستان حکومت کا مالی سال 2026-27 کا بجٹ جون کے تیسرے ہفتے میں پیش کیے جانے کا امکان ظاہر کیا گیا ہے۔محکمہ خزانہ کے مطابق آئندہ مالی سال کا بجٹ سرپلس اور ٹیکس فری ہونے کی توقع ہے، جبکہ مجموعی حجم تقریباً 1200 ارب روپے تک پہنچ سکتا ہے۔ذرائع کے مطابق بجٹ میں تعلیم کے شعبے کے لیے سب سے زیادہ تقریباً 150 ارب روپے مختص کیے جانے کا امکان ہے۔محکمہ خزانہ کا کہنا ہے کہ سرکاری ملازمین کی تنخواہوں میں اضافہ وفاقی حکومت کے فیصلے کے مطابق کیا جائے گا، جبکہ ترقیاتی اور سماجی شعبوں کو بھی ترجیح دی جائے گی۔
