کو ئٹہ( پاکستان خبر)بلوچستان کے علاقوں کمبیلہ اور عاصم آباد میں آپریشن ردالفتنہ 3 کے دوران فتنۃ الہندوستان کے 3 دہشت گرد ہلاک ہوگئے، جبکہ سیکیورٹی فورسز کی کارروائیاں جاری ہیں۔سیکیورٹی ذرائع کے مطابق فورسز نے دونوں علاقوں میں سرچ اینڈ سینیٹائزیشن آپریشن کے دوران 68 مربع کلومیٹر علاقے کو کلیئر کرلیا۔ کارروائی میں 2 دہشت گردوں کی لاشیں بھی برآمد ہوئیں، جبکہ 4 دہشت گرد زخمی ہوئے، جن میں تنظیم کا سرغنہ شوکت ماما بھی شامل ہے۔آپریشن کے دوران 12 مشتبہ افراد کو حراست میں لیا گیا، جبکہ دہشت گردوں کی پناہ گاہیں بھی ختم کردی گئیں اور فتنۃ الہندوستان کے جھنڈے ہٹا دیے گئے۔سیکیورٹی ذرائع کا کہنا ہے کہ بلوچستان میں دہشت گرد عناصر کے خلاف کارروائیاں جاری رہیں گی اور آپریشن ردالفتنہ 3 دہشت گردی کے مکمل خاتمے تک بھرپور انداز میں جاری رکھا جائے گا۔
