لاہور( کامرس ڈیسک)اسٹیٹ بینک آف پاکستان نے اعلان کیا ہے کہ یکم رمضان المبارک کو ملک بھر میں سرکاری و نجی بینکس بند رہیں گے۔بینک کی جانب سے جاری اعلامیے کے مطابق یکم رمضان بمطابق 1447 ہجری کو زکوٰۃ کٹوتی کے عمل کی وجہ سے تمام بینکوں میں عوامی لین دین معطل رہے گا۔اعلامیے میں مزید بتایا گیا ہے کہ سرکاری اور نجی بینکوں کے ساتھ ساتھ ترقیاتی مالیاتی ادارے اور مائیکروفنانس بینک بھی اس دن عوام سے لین دین کے لیے بند رہیں گے۔
