بلاول بھٹو کی آصف زرداری سے پانچ گھنٹے طویل ملاقات، اہم امور پر گفتگو

 اسلام آباد( پاکستان خبر) پاکستان پیپلز پارٹی کے چیئرمین بلاول بھٹو زرداری نے صدر مملکت آصف علی زرداری سے لندن میں پانچ گھنٹے طویل ملاقات کی۔ذرائع کے مطابق ملاقات میں سندھ کی تقسیم کے معاملے پر پیپلز پارٹی کے مؤقف پر قائم رہنے کا فیصلہ کیا گیا۔ ملاقات کے دوران فریال تالپور کی حالیہ تقریر بھی زیر بحث آئی۔ملاقات لندن میں صدر آصف علی زرداری کی رہائش گاہ پر ہوئی، جس میں بختاور بھٹو زرداری بھی شریک تھیں۔بلاول بھٹو زرداری نے میڈیا سے گفتگو میں بتایا کہ وہ آئندہ چند روز تک لندن میں موجود رہیں گے۔