بھارت کا یومِ آزادی ، آج مقبوضہ کشمیر میں یومِ سیاہ منایا جا رہا ہے

 نئی دہلی( مانیٹرنگ ڈیسک)بھارت کے یومِ آزادی کے موقع پر آج مقبوضہ کشمیر میں یومِ سیاہ منایا جا رہا ہے۔کُل جماعتی حریت کانفرنس کی اپیل پر لائن آف کنٹرول کے دونوں جانب اور دنیا بھر میں بھارتی قبضے کے خلاف احتجاج کیا جائے گا۔قابض بھارتی انتظامیہ نے مقبوضہ وادی، خصوصاً سری نگر، کو مکمل طور پر فوجی چھاؤنی میں تبدیل کردیا ہے۔ بخشی اسٹیڈیم کے اطراف کئی سطحوں پر سکیورٹی کے سخت انتظامات کیے گئے ہیں، جبکہ گاڑیوں، مسافروں اور راہگیروں کی کڑی تلاشی لی جا رہی ہے۔بخشی اسٹیڈیم میں بھارتی یومِ آزادی کی مرکزی تقریب منعقد ہوگی۔