لندن (مانیٹرنگ ڈیسک) برطانیہ نے سعودی عرب کے لیے دفاعی مشن شروع کرنے کا فیصلہ کیا ہے، جس کے تحت رائل ایئر فورس کے لڑاکا طیارے سعودی عرب میں تعینات کیے جائیں گے۔بلومبرگ کی رپورٹ کے مطابق برطانوی ٹائفون لڑاکا طیارے سعودی شہروں اور اہم تنصیبات کو حوثی حملوں سے محفوظ رکھنے میں مدد دیں گے۔ برطانیہ سعودی عرب کو اٹلس اے 400 ایم ٹرانسپورٹ طیارہ اور فوجی مشیر بھی فراہم کرے گا۔رپورٹ کے مطابق برطانیہ نے ستمبر میں بھی سعودی عرب کو اضافی دفاعی فوجی امداد دینے کا اعلان کیا تھا، جس میں رائل ایئر فورس کا ووئیجر فضائی ایندھن بھرنے والا طیارہ شامل تھا، تاہم اس وقت لڑاکا طیاروں کی تعیناتی کا اعلان نہیں کیا گیا تھا۔دوسری جانب یمنی حکام کے مطابق صوبہ شبوہ میں سرکاری سیکیورٹی فورسز کے تربیتی کیمپ پر حوثی ملیشیا کے حملے میں ہلاکتوں کی تعداد 58 ہوگئی ہے۔
