کابینہ کی دفاعی افواج اور نیشنل کمانڈ اتھارٹی قوانین میں ترمیم کی منظوری

اسلام آباد( پاکستان خبر) وفاقی کابینہ نے دفاعی افواج ایکٹ 2026ء اور نیشنل کمانڈ اتھارٹی ایکٹ 2010ء میں ترامیم کے مسودوں کی منظوری دے دی۔وزیراعظم محمد شہباز شریف کی زیر صدارت کابینہ اجلاس میں دفاعی افواج ایکٹ 2026ء کے مسودے کی منظوری دی گئی، جو 27ویں آئینی ترمیم کے تحت کی گئی تبدیلیوں کے تسلسل میں تیار کیا گیا ہے۔مسودے میں چیف آف ڈیفنس فورسز کے عہدے اور چیف آف ڈیفنس فورسز ہیڈکوارٹرز سے متعلق انتظامی امور کا تعین کیا جائے گا۔ کابینہ کی منظوری کے بعد یہ بل پارلیمان کے جاری اجلاس میں منظوری کے لیے پیش کیا جائے گا۔اجلاس میں نیشنل کمانڈ اتھارٹی ایکٹ 2010ء میں ترمیم کی بھی منظوری دی گئی، جسے 27ویں آئینی ترمیم کے بعد ضروری قرار دیا گیا تھا۔ اس ترمیم کا مسودہ بھی پارلیمان میں منظوری کے لیے پیش کیا جائے گا۔