اسلام آباد(کامرس ڈیسک)پاکستان کی سی سی پی نے فوجی سیمنٹ اور کوٹ ادو پاور کو اٹک سیمنٹ کے حصول کی منظوری دے دی ہے۔سی سی پی نے فوجی سیمنٹ اور کوٹ ادو پاور کی مرجر درخواست کی منظوری دیتے ہوئے کہا کہ اس کے بعد دونوں کمپنیاں مشترکہ طور پر اٹک سیمنٹ کا کنٹرول حاصل کریں گی۔ منظوری کے بعد اٹک سیمنٹ کا حصول اسکیم آف کمپرو مائز اینڈ ارینجمنٹ 2026 کے تحت مکمل کیا جائے گا، اور معاہدے کی تکمیل کے بعد دونوں کمپنیوں کے پاس اٹک سیمنٹ کی کنٹرولنگ شیئر ہولڈنگ ہوگی۔کمپٹیشن ایکٹ 2010 کے تحت مکمل مسابقتی جائزے کے بعد سی سی پی نے تصدیق کی کہ مرجر کے بعد بھی مشترکہ مارکیٹ شیئر غالب پوزیشن کی حد سے کم رہے گا اور سیمنٹ سیکٹر میں دیگر مضبوط کمپنیوں کی موجودگی سے مسابقت برقرار رہے گی۔سی سی پی نے کہا کہ اس مرجر سے مارکیٹ میں مسابقت متاثر نہیں ہوگی اور مجوزہ حصول کو قانون کے مطابق کلیئر قرار دیا گیا ہے۔ اس اقدام سے پاکستان کے سیمنٹ سیکٹر میں سرمایہ کاری کے تسلسل اور فروغ کا پیغام ملتا ہے، جبکہ منصفانہ مقابلے کے تحفظ کا عزم برقرار رہے گا۔
سی سی پی نے فوجی سیمنٹ اور کوٹ ادو پاور کو اٹک سیمنٹ کا حصول کی اجازت دے دی
واپس خبروں پر
Category:
کامرس