ر یا ض( مانیٹرنگ ڈیسک)سعودی عرب کے دارالحکومت ریاض کے کنگ خالد بین الاقوامی ہوائی اڈے پر ہفتے کے روز حوثیوں کے حملے کی سی سی ٹی وی فوٹیج سامنے آگئی ہے، جس میں حملے کے وقت پیدا ہونے والی افراتفری دیکھی جاسکتی ہے۔عرب میڈیا کی جانب سے جاری کی گئی ویڈیو میں بڑی تعداد میں عمرہ زائرین کو ہوائی اڈے پر موجود دیکھا جاسکتا ہے۔فوٹیج کے مطابق اچانک ایک زور دار دھماکا ہوتا ہے، جس کے بعد تیز روشنی دکھائی دیتی ہے۔ دھماکے سے خوف زدہ ہو کر لوگ اپنی جان بچانے کے لیے ادھر اُدھر بھاگنے لگتے ہیں۔ویڈیو میں یہ بھی دیکھا جاسکتا ہے کہ دھماکے کے دوران عمارت کی چھت کا کچھ حصہ ٹوٹ کر نیچے گرتا ہے، جس سے وہاں موجود افراد میں خوف و ہراس پھیل جاتا ہے۔
