تہران حملوں میں چینی شہری ہلاک، چین کی اپنے شہریو ںکو فوری ایرا ن چھوڑنے کی ہدا یت

بیجنگ( مانیٹرنگ ڈیسک) چینی وزارت خارجہ نے اعلان کیا ہے کہ تہران پر امریکی اور اسرائیلی حملوں میں ایک چینی شہری ہلاک ہو گیا ہے۔ وزارت نے تمام چینی شہریوں کو فوری طور پر ایران سے نکلنے کی ہدایت جاری کی ہے اور اب تک 3 ہزار سے زائد شہریوں کو ایران سے نکال لیا گیا ہے۔چین نے ایرانی سپریم لیڈر آیت اللہ خامنہ ای کی شہادت کی مذمت کرتے ہوئے کہا ہے کہ بین الاقوامی تعلقات میں طاقت کا استعمال درست نہیں اور مسائل کو مذاکرات کے ذریعے حل کیا جانا چاہیے۔چینی وزارت خارجہ نے زور دیا کہ خطے کے ممالک کی سکیورٹی اور علاقائی سالمیت کا احترام ہونا چاہیے اور امریکا و اسرائیل کے حملے بین الاقوامی قانون کی خلاف ورزی ہیں۔