چینی سائنسدانوں کی نئی ٹیکنالوجی، تیل صاف کرنے میں 90 فیصد توانائی بچت

 بیجنگ( ویب ڈیسک)چینی سائنسدانوں نے خام تیل کی صفائی کیلئے ایک جدید ٹیکنالوجی تیار کرلی، جس کے ذریعے ریفائننگ کے عمل میں توانائی کی کھپت 90 فیصد تک کم کی جاسکتی ہے۔روایتی طریقہ کار میں خام تیل کو بار بار گرم کرکے مختلف مرکبات کو ان کے ابلنے کے درجہ حرارت میں معمولی فرق کی بنیاد پر الگ کیا جاتا ہے۔ ڈسٹلیشن کا یہ عمل نہ صرف زیادہ توانائی استعمال کرتا ہے بلکہ اس میں درستگی بھی نسبتاً کم ہوتی ہے۔نئے طریقہ کار میں روایتی ڈسٹلیشن کے بجائے مالیکیولر سطح پر خام تیل کے مرکبات کو الگ کیا جاتا ہے اور ہر مرکب کو براہِ راست اس کی موزوں ترین پیداواری لائن تک پہنچایا جاتا ہے۔ماہرین کے مطابق صنعتی سطح پر اس ٹیکنالوجی کا کامیاب استعمال تیل صاف کرنے کے اخراجات اور توانائی کی کھپت کم کرنے کے ساتھ کاربن اخراج میں بھی کمی کا سبب بن سکتا ہے۔اس پیش رفت کو تیل ریفائننگ کے روایتی نظام سے اہم تبدیلی قرار دیا جارہا ہے، جس کے وسیع پیمانے پر کامیاب نفاذ سے عالمی ریفائننگ صنعت بھی نمایاں طور پر متاثر ہوسکتی ہے۔