چاند پر اسپیس ایکس راکٹ کے ٹکرانے سے بننے والے گڑھے کی واضح تصاویر جاری

نیویارک( ویب ڈیسک) ناسا نے چاند کی سطح پر اسپیس ایکس کے فالکن 9 راکٹ کے ٹکرانے سے بننے والے گڑھے کی اب تک کی واضح ترین تصاویر جاری کردی ہیں۔ناسا کے مطابق راکٹ کا اوپری حصہ 5 اگست 2026 کو تقریباً 8 ہزار 700 کلومیٹر فی گھنٹہ کی رفتار سے چاند سے ٹکرایا۔ سائنس دانوں کے مطابق اس تصادم سے تقریباً 60 فٹ چوڑا اور 10 فٹ سے کم گہرا گڑھا بنا۔تصاویر میں گڑھے کے گرد روشن اور گہرے نشانات بھی دکھائی دیتے ہیں، جو راکٹ کے ٹکرانے سے چاند کی مٹی اور ملبہ پھیلنے کی نشاندہی کرتے ہیں۔ناسا کا کہنا ہے کہ نئی تصاویر چاند کی سطح پر غیر ارادی راکٹ تصادم کے اثرات سمجھنے میں سائنس دانوں کے لیے اہم ثابت ہوں گی۔