اسلام آباد( کامرس ڈیسک)عالمی منڈی میں خام تیل کی قیمتوں میں کمی ریکارڈ کی گئی ہے۔ گزشتہ کاروباری سیشن کے دوران تقریباً دو ڈالر اضافے کے بعد تیل کی قیمتیں دوبارہ نیچے آ گئیں۔سعودی عرب میں حملوں کے باعث تیل کی رسد متاثر ہونے کے خدشات اور روس سے ڈیزل کی برآمدات بڑھنے کے امکانات عالمی منڈی کے سرمایہ کاروں کی توجہ کا مرکز بنے ہوئے ہیں۔کاروبار کے دوران برینٹ خام تیل کی قیمت میں 61 سینٹ، یعنی 0.57 فیصد کمی ہوئی، جس کے بعد یہ 106.04 ڈالر فی بیرل پر آ گئی۔اسی طرح امریکی خام تیل ویسٹ ٹیکساس انٹرمیڈیٹ کی قیمت بھی 47 سینٹ، یعنی 0.5 فیصد گر کر 93.27 ڈالر فی بیرل ہو گئی۔واضح رہے کہ پیر کے روز برینٹ خام تیل کی قیمت 106.65 ڈالر فی بیرل پر بند ہوئی تھی، جو 15 ستمبر کے بعد اس کی بلند ترین سطح تھی۔
