اسلام آباد( کامرس ڈیسک) اسلام آباد میں اسٹیٹ بینک آف پاکستان کی جانب سے جاری کردہ تازہ رپورٹ کے مطابق مئی میں ملک کا کرنٹ اکاؤنٹ 45.9 کروڑ ڈالر سرپلس رہا ہے۔رپورٹ کے مطابق مئی میں پاکستان نے 5.6 ارب ڈالر کا مال درآمد کیا جبکہ 2.3 ارب ڈالر کی برآمدات کی گئیں، جس کے نتیجے میں تجارتی خسارہ 3.3 ارب ڈالر ریکارڈ کیا گیا۔مرکزی بینک کے مطابق رواں مالی سال کے پہلے 11 ماہ میں کرنٹ اکاؤنٹ مجموعی طور پر 25.5 کروڑ ڈالر سرپلس رہا، تاہم اسی عرصے میں تجارتی خسارہ 24.3 ارب ڈالر تک پہنچ گیا۔اعداد و شمار کے مطابق 11 ماہ میں مجموعی درآمدات 54 ارب ڈالر جبکہ برآمدات 29.75 ارب ڈالر رہیں۔رپورٹ میں بتایا گیا ہے کہ مئی میں 4.2 ارب ڈالر کی ریکارڈ ترسیلاتِ زر نے کرنٹ اکاؤنٹ کی صورتحال بہتر بنانے میں اہم کردار ادا کیا، جبکہ 11 ماہ میں ورکرز ترسیلات مجموعی طور پر 38 ارب ڈالر ریکارڈ کی گئیں۔
