احمد آباد(سپورٹس ڈیسک) ٹی ٹوئنٹی ورلڈکپ 2026 کے فائنل میں بھارتی کھلاڑی ارشدیپ سنگھ کے بلاجواز جارحانہ انداز پر نیوزی لینڈ کے ڈیرل مچل غصے میں آ گئے۔تفصیلات کے مطابق گیارہویں اوور میں ڈیرل مچل نے ارشدیپ کی ایک گیند کھیلی جسے وہ صحیح سے مڈل نہ کر سکے اور گیند سیدھی ارشدیپ کے ہاتھوں میں چلی گئی۔اگرچہ ڈیرل مچل کریز کے اندر موجود تھے، ارشدیپ نے بلاجواز جارحانہ انداز اپناتے ہوئے گیند ان کی طرف پھینکی جو ان کی تھائی پر لگی۔اس واقعے پر ڈیرل مچل سخت غصے میں آ گئے اور ارشدیپ کی جانب بڑھ کر کچھ کہا، جس سے فائنل کے دوران کشیدگی پیدا ہو گئی۔بھارتی کپتان سوریا کمار یادیو نے ڈیرل مچل سے فوری معذرت کی جبکہ امپائر نے ارشدیپ سنگھ کو معافی مانگنے کا کہا، جس پر انہوں نے ہاتھ ملا کر اور مؤدبانہ انداز میں معافی پیش کی، اور معاملہ ختم ہو گیا۔
