امریکی حکم کے بعد مصنوعی ذہانت کے دو ماڈلز کی رسائی بند کرنے کا فیصلہ

 نیو یارک( ویب ڈیسک)مصنوعی ذہانت کی کمپنی اینتھروپک نے اپنے دو جدید مصنوعی ذہانت کے ماڈلز کو تمام صارفین کے لیے بند کرنے کا اعلان کر دیا ہے۔ یہ فیصلہ امریکی حکومت کی جانب سے جاری ہدایت کے بعد کیا گیا، جس میں غیر ملکی صارفین کو ان ماڈلز تک رسائی روکنے کا کہا گیا تھا۔کمپنی کے مطابق اسے برآمدی پابندیوں سے متعلق ہدایت موصول ہوئی، جس کے تحت فیبل فائیو اور مائتھوس فائیو ماڈلز تک بیرونِ ملک صارفین کی رسائی فوری طور پر ختم کرنا ہوگی۔ کمپنی کا کہنا ہے کہ اسے ممکنہ خطرے کی مکمل تفصیلات فراہم نہیں کی گئیں۔حکام کے مطابق ان ماڈلز میں ایسی ممکنہ کمزوری موجود ہو سکتی ہے جس کے ذریعے حفاظتی نظام کو نظرانداز کیا جا سکتا ہے۔ خدشہ ظاہر کیا گیا ہے کہ اس کمزوری کا غلط استعمال سافٹ ویئر کی خامیاں تلاش کرنے کے لیے کیا جا سکتا ہے۔اینتھروپک نے کہا ہے کہ اسے صرف زبانی طور پر ممکنہ خطرے سے آگاہ کیا گیا، تاہم اس حوالے سے کوئی واضح ثبوت فراہم نہیں کیا گیا۔