ڈیموکریٹ ارکان کانگریس کی ٹرمپ ڈیل پر شدید تنقید، خوفناک معاہدہ قرار

واشنگٹن( مانیٹرنگ ڈیسک) امریکی ڈیموکریٹ ارکان کانگریس نے سابق صدر ڈونلڈ ٹرمپ کی مجوزہ ڈیل کو شدید تنقید کا نشانہ بناتے ہوئے اسے خوفناک معاہدہ قرار دیا ہے۔کانگریس مین مولٹن نے کہا کہ یہ معاہدہ ایرانی سپریم لیڈر کے سامنے گھٹنے ٹیکنے کے مترادف ہے۔ ان کے مطابق اس پالیسی پر پہلے ہی 100 ارب ڈالر خرچ ہو چکے ہیں جبکہ 14 امریکی فوجی جان سے جا چکے ہیں۔انہوں نے مزید کہا کہ اس ڈیل کے نتیجے میں صرف آبنائے ہرمز کھلے گی، حالانکہ ان کے بقول یہ راستہ پہلے ہی کسی بڑی جنگ سے قبل کھلا ہوا تھا۔کانگریس مین مولٹن نے سوال اٹھایا کہ اگر نتیجہ صرف یہی ہے تو اسے کسی صورت کامیابی قرار نہیں دیا جا سکتا۔