تل ابیب( سپورٹس ڈیسک) فلسطینی حکام کے مطابق اسرائیلی حکام نے فلسطینی خواتین کی قومی فٹبال ٹیم کی کھلاڑی رند حلوانی کی حراست میں جمعہ تک توسیع کر دی ہے۔رپورٹس کے مطابق رند حلوانی کو ان کی ساتھی کھلاڑی نٹالی ابو دیہ کے ساتھ حراست میں لیا گیا تھا۔ فلسطین فٹبال ایسوسی ایشن نے دونوں کھلاڑیوں کی گرفتاری کی تصدیق کی ہے۔فٹبال ایسوسی ایشن کے بیان میں کہا گیا ہے کہ یہ واقعہ کوئی انفرادی معاملہ نہیں بلکہ فلسطینی کھلاڑیوں کو مبینہ طور پر منظم انداز میں نشانہ بنانے کے سلسلے کا حصہ ہے، جو طویل عرصے سے جاری ہے۔ایسوسی ایشن نے عالمی فٹبال تنظیم فیفا سمیت دیگر متعلقہ اداروں سے مطالبہ کیا ہے کہ وہ اس معاملے پر محض بیانات دینے کے بجائے عملی اقدامات کریں اور کھیلوں کے ضابطہ جاتی نظام کے تحت مؤثر کارروائی یقینی بنائیں۔
