تبت( مانیٹرنگ ڈیسک)نیپال اور تبت کی سرحدی علاقے میں اچانک آنے والے شدید سیلاب اور مٹی کے تودے نے بڑے پیمانے پر تباہی مچادی، جس کے نتیجے میں ہلاکتوں کی تعداد 300 سے تجاوز کرگئی۔نیپال کے سیاحتی بورڈ کے مطابق سیکڑوں سیاح تاحال لاپتا ہیں، جن میں 100 سے زائد بھارتی اور 12 برطانوی شہری بھی شامل ہیں۔تبت سے جاری ہونے والی ویڈیو میں پانی اور کیچڑ کا ایک بڑا ریلا سرحدی گزرگاہ کی عمارتوں سے ٹکراتا دکھائی دیتا ہے، جبکہ نیپال سے موصول تصاویر میں لوگوں کو اچانک آنے والے سیلاب سے بچنے کیلئے محفوظ مقامات کی جانب بھاگتے دیکھا گیا۔نیپال کے وزیر خارجہ نے خدشہ ظاہر کیا ہے کہ تباہ کن سیلاب ممکنہ طور پر زلزلے کے نتیجے میں برفانی تودہ گرنے کے باعث آیا۔ تاہم حادثے کی اصل وجہ جاننے کیلئے تحقیقات جاری ہیں۔
