راولپنڈی( پاکستا ن خبر) ڈی جی آئی ایس پی آر نے سمر انٹرن شپ 2026 کے شرکا سے خصوصی نشست کی، جس میں قومی سلامتی، دہشت گردی، اطلاعاتی جنگ اور سوشل میڈیا کے چیلنجز سمیت اہم امور پر تفصیلی گفتگو کی گئی۔آئی ایس پی آر کے مطابق سمر انٹرن شپ 2026 میں ملک بھر کے 21 مختلف اسٹیشنز سے 6 ہزار 150 سے زائد طلبہ و طالبات شریک ہیں۔خصوصی نشست کے دوران ڈی جی آئی ایس پی آر نے طلبہ کے سوالات کے مدلل اور تفصیلی جوابات دیے جبکہ شرکا سے ملاقات بھی کی۔ اس موقع پر انہوں نے طلبہ و طالبات سے مصافحہ کیا اور خوشگوار ماحول میں گفتگو کی۔سمر انٹرن شپ کے شرکا نے ڈی جی آئی ایس پی آر سے آٹوگراف بھی لیے اور خصوصی ملاقات کو سراہا۔
