سربیا ( سپورٹس ڈیسک)سربیا کے اسٹار ٹینس کھلاڑی نوواک جوکووچ نے ومبلڈن میں مردوں کے سنگلز مقابلوں میں سب سے زیادہ فتوحات حاصل کر کے نیا تاریخی ریکارڈ قائم کر دیا ہے۔جوکووچ نے کوالیفائر رومن سفیولن کے خلاف سخت مقابلے کے بعد 6-7، 3-6، 6-3 اور 3-6 سے کامیابی حاصل کرتے ہوئے کوارٹر فائنل کے لیے کوالیفائی کیا۔اس فتح کے ساتھ 39 سالہ جوکووچ نے ومبلڈن میں اپنی مجموعی 106ویں فتح حاصل کر لی، جس کے بعد انہوں نے سوئٹزرلینڈ کے سابق ٹینس اسٹار راجر فیڈرر کا 105 فتوحات کا ریکارڈ توڑ دیا۔اعداد و شمار کے مطابق خواتین کے مقابلوں میں مارٹینا ناوراتیلووا 120 فتوحات کے ساتھ اب بھی سب سے آگے ہیں۔نوواک جوکووچ اس وقت اپنے ریکارڈ آٹھویں ومبلڈن ٹائٹل اور مجموعی طور پر 25ویں گرینڈ سلیم جیتنے کے مشن پر گامزن ہیں۔ ان کا اگلا ممکنہ چیلنج سیمی فائنل میں عالمی نمبر ایک جینک سنر کے خلاف متوقع ہے۔
