بانی پی ٹی آئی کی رہائی کی کوششیں کمزور پڑ گئی ہیں: علی امین گنڈاپور

 پشاور( پاکستان خبر)علی امین گنڈاپور نے کہا ہے کہ بانی پی ٹی آئی کی رہائی کے لیے کی جانے والی کوششیں اب پہلے جیسی مؤثر نہیں رہیں اور ان میں واضح کمی آ گئی ہے۔سابق وزیرِ اعلیٰ خیبر پختونخوا نے الزام عائد کیا کہ بانی پی ٹی آئی کے خلاف مقدمات جعلی ہیں اور ان کی اہل خانہ و وکلا سے ملاقات بھی نہیں کرائی جا رہی۔انہوں نے مزید کہا کہ بعض حلقوں کی جانب سے پھیلایا جانے والا یہ تاثر درست نہیں کہ وہ بانی سے ملاقات نہیں کرتے تھے، بلکہ ان کی ملاقاتیں ہوتی رہی ہیں، تاہم ان کا تسلسل کم رہا۔علی امین گنڈاپور کے مطابق پارٹی کے ناراض ارکان نہ تو وزیرِ اعلیٰ کے خلاف ہیں اور نہ ہی بجٹ کے معاملے پر اختلاف رکھتے ہیں۔