اسلام آباد( کامرس ڈیسک) بجلی صارفین کے لیے ایک اور مشکل خبر سامنے آگئی، جولائی کی فیول پرائس ایڈجسٹمنٹ کے تحت بجلی 2 روپے 52 پیسے فی یونٹ مہنگی ہونے کا امکان ہے۔سینٹرل پاور پرچیزنگ ایجنسی (سی پی پی اے) نے بجلی کی قیمت میں اضافے کے لیے نیپرا میں باضابطہ درخواست جمع کرا دی ہے۔نیپرا کے مطابق درخواست پر سماعت 27 اگست کو ہوگی۔ اگر مجوزہ اضافہ منظور کرلیا گیا تو جی ایس ٹی سمیت بجلی صارفین پر تقریباً 41 ارب روپے کا اضافی مالی بوجھ پڑے گا۔سی پی پی اے کی درخواست میں جولائی کے دوران بجلی کی پیداوار پر آنے والی مختلف لاگتوں کی تفصیلات بھی فراہم کی گئی ہیں۔
