بجلی کی قیمت میں بڑی کمی، صارفین کو فی یونٹ ایک روپے اٹھانوے پیسے ریلیف

 اسلام آباد( کامرس ڈیسک)ملک بھر کے صارفین کے لیے بجلی کی قیمت میں نمایاں کمی کر دی گئی ہے، جس کے تحت فی یونٹ بجلی ایک روپے اٹھانوے پیسے سستی ہو گئی ہے۔قومی توانائی ریگولیٹری ادارے کی جانب سے جاری نوٹیفکیشن کے مطابق یہ کمی سہ ماہی ایڈجسٹمنٹ کی مد میں کی گئی ہے، جو جنوری سے مارچ دو ہزار چھبیس کی مدت سے متعلق ہے۔فیصلے کے مطابق اس کمی کا اطلاق جون سے اگست دو ہزار چھبیس تک تین ماہ کے لیے ہوگا، جس سے صارفین کو مجموعی طور پر سڑسٹھ ارب روپے سے زائد کا ریلیف ملنے کی توقع ہے۔نوٹیفکیشن میں یہ بھی واضح کیا گیا ہے کہ اس سہ ماہی ایڈجسٹمنٹ کا اطلاق کراچی سمیت کے الیکٹرک کے صارفین پر بھی ہوگا۔