لاہور( ویب ڈیسک) یورپی یونین نے دفاعی خودمختاری اور دیگر اہم ضروریات پوری کرنے کے لیے 2029ء تک 348 سیارے خلا میں بھیجنے کا منصوبہ تیار کر لیا ہے۔خبر ایجنسی کے مطابق یورپی کمیشن نے کہا ہے کہ 348 سیاروں پر مشتمل یورپی سطح کا مواصلاتی نیٹ ورک اب عملی مرحلے میں داخل ہو چکا ہے۔کمیشن نے اپنے بیان میں بتایا کہ آئی آر آئی ایس 2 سیٹلائٹ نیٹ ورک کو مکمل طور پر فعال کرنے کے لیے مذاکرات مکمل کر لیے گئے ہیں۔یورپی کمیشن کے مطابق یہ سیٹلائٹ نیٹ ورک 2029ء تک یورپی یونین میں ہنگامی خدمات اور دفاعی ضروریات کے لیے محفوظ، قابلِ اعتماد اور خودمختار مواصلاتی رابطے فراہم کرے گا۔
