فیس بک مونیٹائزیشن میں بڑی آسانی، پاکستان میں پیجز کے لیے نیا ویوز ٹارگٹ متعارف

اسلام آباد( ویب ڈیسک)پاکستان میں فیس بک سے آمدن حاصل کرنا پہلے کافی مشکل سمجھا جاتا تھا، تاہم اب فیس بک کی جانب سے ایک نئی اپڈیٹ کے بعد بعض صارفین کے لیے مونیٹائزیشن کا عمل نسبتاً آسان ہو گیا ہے۔سوشل میڈیا پلیٹ فارم فیس بک دنیا بھر میں بڑے پیمانے پر استعمال کیا جاتا ہے، جہاں فری لانسرز اور کانٹینٹ کریئٹرز لاکھوں ڈالرز تک ماہانہ آمدن حاصل کر رہے ہیں، تاہم کئی صارفین کو مونیٹائزیشن ٹول تک رسائی نہیں مل پاتی تھی۔مونیٹائزیشن کے لیے کانٹینٹ مونیٹائزیشن ٹول بنیادی حیثیت رکھتا ہے، جسے فعال کرنے کے بعد صارفین کی آمدن شروع ہو جاتی ہے۔ اس سے قبل اس کے لیے سخت شرائط جیسے فالوورز کی بڑی تعداد اور طویل واچ ٹائم مکمل کرنا ضروری ہوتا تھا۔نئی اپڈیٹ کے مطابق بعض اکاؤنٹس اور پیجز کے لیے اب ایک نسبتاً آسان شرط رکھی گئی ہے، جس کے تحت اگر کوئی پیج 28 دن کے اندر 3 لاکھ ویوز حاصل کر لے تو اسے مونیٹائزیشن ٹول تک رسائی مل سکتی ہے۔تاہم یہ شرط ہر اکاؤنٹ یا پیج پر لاگو نہیں کی گئی اور یہ سہولت صرف منتخب صارفین کے لیے دستیاب ہے۔ ساتھ ہی فیس بک کی دیگر پالیسیوں پر عمل کرنا بھی لازمی قرار دیا گیا ہے۔