لاہور( سپورٹس ڈیسک) پاکستان سپر لیگ 11 کی فرنچائز لاہور قلندرز کے بیٹر فخر زمان نے ان پر عائد دو میچز کی معطلی کے خلاف اپیل دائر کر دی ہے۔گزشتہ روز پاکستان کرکٹ بورڈ نے فخر زمان کو بال ٹیمپرنگ کے الزام میں دو میچز کیلئے معطل کرتے ہوئے انہیں کوڈ آف کنڈکٹ کی لیول تھری کی خلاف ورزی کا مرتکب قرار دیا تھا۔ بورڈ کے مطابق پابندی بال ٹیمپرنگ سے متعلق آرٹیکل کی خلاف ورزی پر عائد کی گئی۔ذرائع کے مطابق فخر زمان نے اب اس پابندی کے خلاف پی ایس ایل کی ٹیکنیکل کمیٹی میں اپیل دائر کر دی ہے۔واضح رہے کہ بال ٹیمپرنگ کا واقعہ لاہور قلندرز اور کراچی کنگز کے میچ کے دوران رپورٹ ہوا تھا، جس کے بعد میچ ریفری روشن ماہانما نے سماعت کے بعد فیصلہ سنایا تھا۔
