واشنگٹن( ویب ڈیسک) رواں برس کیمسٹری کا نوبیل انعام فرانسیسی سائنسدان ہنری کاگن اور جاپانی کیمیا دان کینسو سوائی نے جیت لیا ہے۔دونوں سائنسدانوں کو کیمیائی سالمات کی غیر متناسب اور آئینہ نما ساخت سے متعلق ایک دیرینہ سائنسی معمے کو حل کرنے پر یہ اعزاز دیا گیا۔ ان کی تحقیق کو ادویات کی تیاری کے شعبے میں اہم پیش رفت قرار دیا جارہا ہے۔95 سالہ ہنری کاگن کا تعلق فرانس جبکہ 76 سالہ کینسو سوائی کا تعلق جاپان سے ہے۔ ان کی تحقیق 19ویں صدی کے فرانسیسی سائنسدان لوئی پاسچر کے کام کو آگے بڑھاتی ہے، جنہوں نے ایسے کیمیائی مادوں کی دو مختلف شکلوں کی نشاندہی کی تھی جو ایک دوسرے کا آئینہ معلوم ہوتی ہیں۔نوبیل کمیٹی کے مطابق زندگی کیلئے اہم متعدد سالمات دو آئینہ نما شکلوں میں موجود ہوتے ہیں، تاہم جاندار عموماً ان میں سے صرف ایک شکل استعمال کرتے ہیں۔ کیمسٹری میں اس عمل کو ’’ہوموکائریلیٹی‘‘ کہا جاتا ہے، جو ایک صدی سے زائد عرصے سے سائنسدانوں کیلئے معمہ بنا ہوا تھا۔
