فرانس( مانیٹرنگ ڈیسک) فرانس میں منعقدہ جی سیون اجلاس کے دوران بھارتی وزیرِ اعظم نریندر مودی اور اطالوی وزیرِاعظم جارجیا میلونی کے درمیان ہونے والی مختصر اور خوشگوار گفتگو سوشل میڈیا پر وائرل ہو گئی۔ویڈیو میں دونوں رہنما دیگر عالمی رہنماؤں کے ساتھ گروپ فوٹو سے قبل مصافحہ کرتے اور مسکراتے ہوئے گفتگو کرتے دکھائی دیتے ہیں۔رپورٹس کے مطابق گفتگو کے دوران نریندر مودی نے سوشل میڈیا پر اپنی مقبولیت کا ذکر کیا، جس پر جارجیا میلونی نے مسکراتے ہوئے جواب دیا کہ وہ دونوں انسٹاگرام کی سب سے مشہور جوڑی ہیں۔یہ دلچسپ تبادلۂ خیال اس وقت سامنے آیا جب ایک ماہ قبل مودی نے اپنے اٹلی کے دورے کے دوران میلونی کو بھارتی مٹھائی "میلوڈی" بطور تحفہ پیش کیا تھا، جس کا تعلق سوشل میڈیا پر وائرل ہونے والے مشترکہ لفظ "میلوڈی" سے جوڑا جا رہا ہے۔
