بانی پی ٹی آئی کہیں تو دوبارہ خیبرپختونخوا کا وزیراعلیٰ بن جاؤں گا: گنڈاپور

پشاور (پاکستان خبر) سابق وزیراعلیٰ خیبرپختونخوا علی امین گنڈاپور نے کہا ہے کہ لانگ مارچ کے لیے پارٹی کی کوئی خاص تیاری نہیں تھی، جبکہ تاریخ تبدیل ہونے سے جماعت کو نقصان پہنچا ہے۔صحافیوں سے غیر رسمی گفتگو کرتے ہوئے علی امین گنڈاپور نے کہا کہ وفاقی حکومت پر دباؤ بڑھے گا تو وہ مطالبات ماننے پر آمادہ ہوگی، حکومت سے مذاکرات کا فیصلہ پارٹی کی قیادت اور فیصلہ سازوں کا کام ہے۔سابق وزیراعلیٰ نے کہا کہ صوبے میں وزیراعلیٰ کی رٹ نہ ہونے کے باعث وزراء، ارکان اسمبلی اور کارکنوں کو گرفتار کیا جا رہا ہے۔علی امین گنڈاپور کا کہنا تھا کہ اگر بانی پی ٹی آئی نے حکم دیا تو وہ دوبارہ وزیراعلیٰ بن سکتے ہیں، انہوں نے بانی پی ٹی آئی کی ہدایت پر ہی وزارتِ اعلیٰ چھوڑی تھی۔انہوں نے کہا کہ رکاوٹوں اور مزاحمت کے باوجود احتجاج کے دوران وہ تین مرتبہ اسلام آباد پہنچنے میں کامیاب رہے۔علی امین گنڈاپور نے بتایا کہ وزیراعلیٰ سہیل آفریدی سے خوشگوار ماحول میں ملاقات ہوئی، ہماری ایک ہی جماعت ہے، ہم پختون ہیں اور گھر آئے مہمان کی عزت کرتے ہیں۔