واشنگٹن(ویب ڈیسک) گوگل کی مصنوعی ذہانت پر مبنی ایپ جیمنائی کے ماہانہ صارفین کی تعداد ایک ارب سے تجاوز کر گئی ہے۔گوگل کے چیف ایگزیکٹو آفیسر سندر پچائی نے سوشل میڈیا پلیٹ فارم ایکس پر ایک پوسٹ میں اس اہم سنگ میل کا اعلان کرتے ہوئے بتایا کہ جیمنائی گوگل کی تیز ترین ایک ارب صارفین کا ہندسہ عبور کرنے والی سروس بن گئی ہے۔سندر پچائی کے مطابق ہر ماہ ایک ارب افراد جیمنائی ایپ استعمال کر رہے ہیں، جبکہ یہ گوگل کی 14ویں سروس ہے جس کے صارفین کی تعداد ایک ارب تک پہنچی ہے۔اس کامیابی کے بعد جیمنائی، چیٹ جی پی ٹی کے بعد دنیا کا دوسرا مقبول ترین اے آئی اسسٹنٹ بن گیا ہے۔ چیٹ جی پی ٹی نے جون 2026 میں ایک ارب ماہانہ صارفین کا سنگ میل عبور کیا تھا، جبکہ جیمنائی نے تقریباً ڈھائی سال میں یہ ہدف حاصل کرلیا۔گوگل نے جیمنائی کو 2024 کے آغاز میں متعارف کرایا تھا۔ ماہرین کے مطابق گوگل کے اینڈرائیڈ آپریٹنگ سسٹم نے بھی جیمنائی کی مقبولیت بڑھانے میں اہم کردار ادا کیا، کیونکہ یہ متعدد اسمارٹ فونز میں بطور ڈیفالٹ اے آئی اسسٹنٹ دستیاب ہے۔سندر پچائی نے عندیہ دیا ہے کہ جیمنائی سے متعلق مزید اہم اپ ڈیٹس کی تیاری جاری ہے، جن کا اعلان جلد کیا جائے گا۔جیمنائی کی تیزی سے بڑھتی مقبولیت کے باوجود گوگل کو مصنوعی ذہانت کے شعبے میں اوپن اے آئی، اینتھروپک اور دیگر کمپنیوں کی جانب سے سخت مسابقت کا سامنا ہے۔
