گلگت( پاکستان خبر)گلگت بلتستان اسمبلی کے 33 میں سے 30 نو منتخب ارکان نے حلف اٹھا لیا ہے۔حلف برداری کی تقریب اسپیکر گلگت بلتستان اسمبلی نذیر احمد ایڈووکیٹ کی زیرِ صدارت منعقد ہوئی، جنہوں نے نو منتخب اراکین سے حلف لیا۔حلف اٹھانے والوں میں پیپلز پارٹی کے 13، مسلم لیگ (ن) کے 9، استحکام پاکستان پارٹی کے 6 اور ایم ڈبلیو ایم کا ایک رکن شامل ہے، جبکہ پی ٹی آئی کے حمایت یافتہ آزاد رکن نے بھی حلف اٹھایا۔اجلاس بعد ازاں دن 3 بجے تک ملتوی کر دیا گیا۔ دوبارہ اجلاس میں اسپیکر، ڈپٹی اسپیکر اور قائدِ ایوان کے انتخاب کا عمل مکمل کیا جائے گا۔واضح رہے کہ بعض حلقوں کے نتائج عدالتی احکامات کے باعث روکے گئے ہیں، جس کے نتیجے میں 3 منتخب ارکان تاحال حلف نہیں اٹھا سکے۔
