عالمی سطح پر ایکس سروس میں عارضی تعطل، ہزاروں صارفین کو رسائی میں مشکلات

کیلی فورنیا( ویب ڈیسک) ایلون مسک کے زیرِ ملکیت سماجی رابطوں کے پلیٹ فارم ایکس کو دنیا بھر میں عارضی تکنیکی خرابی کا سامنا کرنا پڑا، جس کے باعث ہزاروں صارفین سروس تک رسائی اور استعمال میں دشواریوں سے دوچار رہے۔خرابیوں کی نگرانی کرنے والی ویب سائٹ ڈاؤن ڈیٹیکٹر کے مطابق مسئلے کا آغاز پیر کی صبح مشرقی امریکی وقت کے مطابق تقریباً 9 بجے ہوا۔ امریکا میں شکایات کی تعداد 25 ہزار سے تجاوز کر گئی۔اسی دوران کینیڈا میں 3 ہزار 400 سے زائد شکایات موصول ہوئیں، تاہم بعد ازاں یہ تعداد کم ہو کر تقریباً 30 رہ گئی۔ برطانیہ میں بھی 9 ہزار سے زیادہ صارفین نے مسائل کی اطلاع دی، لیکن کچھ وقت بعد وہاں بھی صورتحال بہتر ہونا شروع ہوگئی۔