کراچی( کامرس ڈیسک) عالمی اور مقامی صرافہ مارکیٹوں میں سونے اور چاندی کی قیمتوں میں کمی ریکارڈ کی گئی ہے۔بین الاقوامی بلین مارکیٹ میں فی اونس سونے کی قیمت 24 ڈالر کی کمی کے بعد 4 ہزار 150 ڈالر کی سطح پر آگئی، جس کے اثرات مقامی مارکیٹ پر بھی دیکھے گئے۔مقامی صرافہ بازاروں میں فی تولہ سونا 2 ہزار 400 روپے کمی کے بعد 4 لاکھ 37 ہزار 436 روپے کی سطح پر ٹریڈ ہوا۔ اسی طرح فی 10 گرام سونے کی قیمت 2 ہزار 58 روپے کم ہو کر 3 لاکھ 75 ہزار 30 روپے پر آگئی۔چاندی کی عالمی مارکیٹ میں بھی کمی دیکھی گئی، جہاں فی اونس چاندی کی قیمت 37 سینٹس کمی کے بعد 62 ڈالر ہوگئی۔اس کے نتیجے میں مقامی مارکیٹ میں فی تولہ چاندی 37 روپے کمی کے بعد 6 ہزار 679 روپے جبکہ فی 10 گرام چاندی 31 روپے کمی کے بعد 5 ہزار 726 روپے کی سطح پر آگئی۔
