اسلام آباد( کامرس ڈیسک)سونے اور چاندی کی قیمتوں میں تکنیکی تصحیح کے باعث عالمی اور مقامی مارکیٹوں میں نمایاں اتار چڑھاؤ دیکھا گیا، جس کے نتیجے میں سونے کے نرخوں میں بڑی کمی ریکارڈ کی گئی۔بین الاقوامی بلین مارکیٹ میں فی اونس سونے کی قیمت 37 ڈالر کمی کے بعد 4 ہزار 43 ڈالر کی سطح پر آ گئی، جس کے اثرات مقامی صرافہ مارکیٹوں پر بھی پڑے۔مقامی مارکیٹ میں ہفتے کے روز فی تولہ سونے کی قیمت 3 ہزار 700 روپے کم ہو کر 4 لاکھ 26 ہزار 736 روپے کی سطح پر پہنچ گئی۔اسی طرح 10 گرام سونے کی قیمت میں 2 ہزار 202 روپے کی کمی ہوئی، جس کے بعد نئی قیمت 3 لاکھ 65 ہزار 857 روپے ریکارڈ کی گئی۔دوسری جانب عالمی مارکیٹ میں فی اونس چاندی کی قیمت 57 سینٹس کمی کے بعد 57 ڈالر 58 سینٹس کی سطح پر آ گئی۔ مقامی صرافہ مارکیٹ میں فی تولہ چاندی کی قیمت 57 روپے اضافے سے 6 ہزار 237 روپے جبکہ 10 گرام چاندی کی قیمت 49 روپے کمی کے بعد 5 ہزار 347 روپے ہوگئی۔
