کراچی( کامرس ڈیسک) عالمی اور مقامی صرافہ مارکیٹوں میں سونے کی قیمتوں میں مسلسل چوتھے روز کمی ریکارڈ کی گئی ہے۔بین الاقوامی بلین مارکیٹ میں بدھ کے روز فی اونس سونے کی قیمت میں 47 ڈالر کی مزید کمی ہوئی، جس کے بعد قیمت 4 ہزار 78 ڈالر فی اونس کی سطح پر آ گئی۔عالمی مارکیٹ میں کمی کے اثرات مقامی صرافہ مارکیٹوں پر بھی دیکھے گئے، جہاں کاروباری ہفتے کے تیسرے روز فی تولہ سونے کی قیمت 4 ہزار 700 روپے کم ہو کر 4 لاکھ 30 ہزار 236 روپے کی سطح پر پہنچ گئی۔اسی طرح 10 گرام سونے کی قیمت میں بھی 4 ہزار 29 روپے کی کمی ریکارڈ کی گئی، جس کے بعد نئی قیمت 3 لاکھ 68 ہزار 858 روپے ہو گئی۔دوسری جانب عالمی مارکیٹ میں چاندی کی قیمت میں بھی کمی دیکھی گئی۔ فی اونس چاندی کی قیمت 1 ڈالر 38 سینٹس کم ہو کر 59 ڈالر 42 سینٹس کی سطح پر آ گئی۔مقامی صرافہ مارکیٹوں میں فی تولہ چاندی کی قیمت 138 روپے کی کمی کے بعد 6 ہزار 421 روپے، جبکہ 10 گرام چاندی کی قیمت 119 روپے کم ہو کر 5 ہزار 504 روپے ہو گئی۔
