کراچی ( کامرس ڈیسک) امریکی شرح سود میں اضافے کے امکانات کے باعث عالمی اور علاقائی منڈیوں میں سونے کی قیمت میں مزید کمی ریکارڈ کی گئی۔آل پاکستان صرافہ جیمز اینڈ جیولرز ایسوسی ایشن کے مطابق سونے کی فی تولہ قیمت 12 ہزار 800 روپے گھٹ کر 4 لاکھ 38 ہزار 136 روپے ہوگئی۔10 گرام سونے کی قیمت میں 10 ہزار 973 روپے کمی ہوئی، جس کے بعد اس کا بھاؤ 3 لاکھ 75 ہزار 631 روپے ہوگیا۔عالمی مارکیٹ میں بھی سونے کی قیمت 128 ڈالر کم ہوکر 4 ہزار 156 ڈالر فی اونس پر آگئی۔واضح رہے کہ 26 ستمبر کو بھی پاکستان میں فی تولہ سونے کی قیمت میں 2 ہزار 100 روپے کی کمی ریکارڈ کی گئی تھی۔
