کراچی( کامرس ڈیسک) عالمی اور مقامی مارکیٹوں میں سونے کی قیمت میں مزید کمی ہوگئی، جبکہ چاندی بھی سستی ہوگئی۔بین الاقوامی بلین مارکیٹ میں سونے کی قیمت 8 ڈالر فی اونس کم ہوکر 4 ہزار 148 ڈالر فی اونس کی سطح پر آگئی۔عالمی مارکیٹ میں کمی کے اثرات مقامی صرافہ بازاروں پر بھی پڑے، جہاں فی تولہ سونے کی قیمت 800 روپے کمی سے 4 لاکھ 37 ہزار 336 روپے ہوگئی۔اسی طرح فی 10 گرام سونے کی قیمت 686 روپے کم ہوکر 3 لاکھ 74 ہزار 945 روپے ہوگئی۔سونے کے ساتھ مقامی مارکیٹ میں چاندی کی قیمت بھی کم ہوگئی۔ فی تولہ چاندی 20 روپے کمی سے 6 ہزار 558 روپے، جبکہ فی 10 گرام چاندی 17 روپے کمی سے 5 ہزار 622 روپے کی سطح پر آگئی۔
