کراچی( کامرس ڈیسک) عالمی اور مقامی صرافہ مارکیٹ میں سونے کی قیمت میں نمایاں کمی ریکارڈ کی گئی ہے۔بین الاقوامی بلین مارکیٹ میں پیر کے روز سونے کی قیمت 24 ڈالر فی اونس کم ہوگئی، جس کے بعد نئی عالمی قیمت 4 ہزار 406 ڈالر فی اونس ہوگئی۔عالمی مارکیٹ میں کمی کے اثرات پاکستان کی مقامی صرافہ مارکیٹ پر بھی پڑے، جہاں کاروباری ہفتے کے پہلے روز فی تولہ سونے کی قیمت 2 ہزار 400 روپے کم ہوکر 4 لاکھ 63 ہزار 136 روپے کی سطح پر آگئی۔اسی طرح فی 10 گرام سونے کی قیمت میں 2 ہزار 58 روپے کی کمی ہوئی، جس کے بعد یہ 3 لاکھ 97 ہزار 64 روپے ہوگئی۔سونے کے ساتھ چاندی کی قیمتوں میں بھی کمی ریکارڈ کی گئی۔ مقامی مارکیٹ میں فی تولہ چاندی 39 روپے سستی ہوکر 7 ہزار 59 روپے جبکہ فی 10 گرام چاندی کی قیمت 34 روپے کم ہوکر 6 ہزار 51 روپے کی سطح پر آگئی۔
