عالمی اور پاکستانی مارکیٹوں میں سونا مزید مہنگا، فی تولہ 4 لاکھ 40 ہزار 936 روپے کا ہوگیا

کراچی( کامرس ڈیسک)پاکستان اور عالمی مارکیٹ میں سونے کی قیمت میں کمی کے بعد مسلسل دوسرے روز اضافہ ریکارڈ کیا گیا ہے۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 5 ہزار 900 روپے کا اضافہ ہوا، جس کے بعد نئی قیمت 4 لاکھ 40 ہزار 936 روپے ہوگئی۔اسی طرح 10 گرام سونا 5 ہزار 58 روپے مہنگا ہونے کے بعد 3 لاکھ 78 ہزار 31 روپے کا ہوگیا۔دوسری جانب عالمی مارکیٹ میں بھی سونے کی قیمت میں 59 ڈالر فی اونس اضافہ ہوا، جس کے بعد عالمی نرخ 4 ہزار 184 ڈالر فی اونس ہوگئے۔