کراچی( کامرس ڈیسک) عالمی اور مقامی صرافہ مارکیٹوں میں تین روزہ وقفے کے بعد سونے اور چاندی کی قیمتوں میں دوبارہ اضافہ ریکارڈ کیا گیا ہے۔عالمی سطح پر بڑی طاقتوں کے درمیان جاری اقتصادی کشمکش اور مختلف ممالک کی جانب سے اپنی کرنسیوں کی قدر کم رکھنے کی پالیسیوں کے باعث قیمتی دھاتوں کی قیمتوں میں مسلسل اتار چڑھاؤ دیکھا جارہا ہے۔تین دن تک قیمتوں میں استحکام کے بعد آج بین الاقوامی اور مقامی مارکیٹوں میں سونے کے نرخ ایک بار پھر بڑھ گئے۔
