کراچی ( کامرس ڈیسک)عالمی اور مقامی صرافہ مارکیٹوں میں سونے کی قیمتیں مستحکم رہیں، تاہم چاندی کی قیمتوں میں اضافہ ریکارڈ کیا گیا۔بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 4 ہزار 181 ڈالر پر برقرار رہی۔ عالمی مارکیٹ میں قیمت مستحکم رہنے کے باعث مقامی صرافہ مارکیٹوں میں بھی پیر کے روز فی تولہ سونا 4 لاکھ 40 ہزار 636 روپے پر برقرار رہا۔اسی طرح 10 گرام سونے کی قیمت میں بھی کوئی تبدیلی نہیں ہوئی اور یہ 3 لاکھ 77 ہزار 774 روپے کی سطح پر مستحکم رہی۔دوسری جانب عالمی مارکیٹ میں فی اونس چاندی کی قیمت 59 سینٹس اضافے کے بعد 57 ڈالر 56 سینٹس ہوگئی۔ عالمی مارکیٹ میں اضافے کے اثرات مقامی صرافہ بازاروں میں بھی دیکھے گئے، جہاں فی تولہ چاندی 59 روپے مہنگی ہوکر 6 ہزار 234 روپے کی سطح پر آگئی۔اسی طرح 10 گرام چاندی کی قیمت میں بھی 50 روپے کا اضافہ ریکارڈ کیا گیا، جس کے بعد اس کی قیمت 5 ہزار 344 روپے ہوگئی۔
