کراچی( سپورٹس ڈیسک)سونے کی عالمی اور مقامی مارکیٹوں میں آج بدھ کے روز قیمتوں میں اضافہ دیکھنے میں آیا، جس کے نتیجے میں سونا عوام کے لیے مزید مہنگا ہوگیا ہے۔بین الاقوامی بلین مارکیٹ میں فی اونس سونے کی قیمت میں 23 ڈالر کا اضافہ ہوا اور نئی عالمی قیمت 5,058 ڈالر فی اونس پر پہنچ گئی۔مقامی صرافہ بازاروں میں بھی سونے کی قیمتیں بڑھ گئی ہیں۔ 24 قیراط کے حامل فی تولہ سونے کی قیمت 2,300 روپے اضافے کے بعد 5,28,562 روپے ہوگئی، جبکہ فی 10 گرام سونے کی قیمت ایک ہزار 972 روپے بڑھ کر 4,53,156 روپے کی سطح پر آگئی۔چاندی کی قیمتوں میں بھی اضافہ ہوا ہے۔ فی تولہ چاندی 120 روپے اضافے کے بعد 8,735 روپے پر پہنچ گئی، اور فی 10 گرام چاندی کی قیمت 103 روپے بڑھ کر 7,488 روپے ہوگئی۔سونے اور چاندی کی بڑھتی ہوئی قیمتیں سرمایہ کاروں اور عام خریداروں کے لیے تشویش کا باعث بنی ہوئی ہیں۔
